بمأنه ليس هناك أمل من تصليح المجاري في الدولة الليبية ....وبما أنه استحالة ان لا نرى الوحل والغدران في بلادنا الحبيبة ...وبلاخص عند هطول اول زخة من المطر ...وبما انه مش ممكن تقص الشارع انت واطفالك الا وانت قايمهم وتنقز بيهم من مكان لمكان من ماء المطر الي مخلي الدنيا غارقة ... اصلحه الله .... ....و من غير عاد الكنادر الي نصهم كز وبز ....ومن غير ...ومن غير .... ومن غير
نطالب نحن الشعب الليبي بعودة العزيز القمبالي الى المحلات نتع اكنادر نتع نادي الاتحاد....فارجوا النظر في هذا الطلب ..وعلى المسؤلين متابعة الموضوع .

بلاد من غير بنية تحتية ..شن ممكن تتوقع منها.

هاهاها .......................
تى كان جت في الكمبالي باهى ...الكمبالي للركبة
وخودى عندك يوتوا حتى فلايك وكعكات بحر خوف علي الاطفال
... لان الميا ممكن توصل الرقبة
منورة ..

نظر الى الطلب المرفق من الاخت الفاضلة الانسة لا والشعب ....
وردا منا على هذة البرقية العاجلة التى تمت استقبالها مساء اليوم الموافق 18 مش شهر الحرث بخصوص تخصيص مكان للمنتوج المسماة بالقمبالى وتحفيزا منا على تشجيع الصناعات المحلية وايجاد وخلق فرص عمل لشباب فاننا والحمد الله نخصص ميزانية وقدرها 2 مليون (ضاع الشعب) لتصيع احلى قمبالى لشعب .. فرصا منا لنهب والسلب ... قصدى نظرا الى ضرورة ايقاف والحد من اخطار الصرف الصحى و عوارض الامطار وغرق الشوارع .
لذلك قررنا صرف هذة الميزانية ... و العمل بهذا القرار نافد من وقت نشرة فى الجريدة الرسمية ...!
عاشت .. غرقت ... وبقى القمبالى !
تحية ليك !

السيدة لا

مروري كان للتحية والسلام

لأنني لا أملك أن أقول إلا ما جرى على لسانك " أصلح الله الحال "

وأتمنى من المسؤول أن يكون... "السيد نعم "

المتمرد يحييك
فاقبلي التحية

وكوني بخير

الانسة ..حفارة قبور اويا
احني والله معاد نبو حاجة ..لا بنية تحتية ولا اي حاجة ..يرتحو روحهم ...يعطونا قمباليات بسس واحني ندبرو امورنا

الاخ طق ..طق ...طق ...تشربك
شكرا لمرورك الكريم

السيدة لا ..اشارك بقفشة محمود البوسيفى فى عدد اليوم من اويا
واحد - اللهم صلي ع النبي .. المطر تأخرت ..
وجت مرة واحدة ..
ثاني - وغرقت طرابلس زي العادة ...
واحد - .................................. .
ثاني - نبي نعرف جماعة المرافق وين يصرفوا ف الفلوس !!
واحد- في الندوات والأثاث والسفريات والباقي على السيارات ..
ثاني - هات .. هات .. هااااات ..
واحد - باين عليك متشمت ..
ثاني - مقهور .. ومش فاهم .. معقولة يا خوي كل عام في نفس المشكلة .. معقولة ..
واحد- إللي مايتعلمش من التجارب !!
ثاني - مش بنادم ..
واحد - بالك المشكلة صعبة ..
ثاني - صعبة شنو شفاعة يا رسول الله !!
يجيبوا خبير من مالطا الحنينة اللي تصب عليها ليل نهار
ويوريهم كيف يديروا ..
واحد - عقابها مالطا !!؟ نحساب نحنا إللي بنبعثولها خبراء مننا .
ثاني - تعرف لو نبعثولهم خبراء المرافق عندنا شنو يصير
فيها . مالطا ؟!
واحد - شن ..
ثاني - تغرق وتختفي ..

الانسة الجميلة .. حفارة قبور اويا
طريف جدا مانقلت .....اصبحت امور بلادنا حديث ساخر ....ولا يدري الواحد منا أيضحك ؟؟ ام يبكي؟؟

السيدة لا ... مررت من هنا كي اقول لا ... لا .... لا .... ( قولي خير )